الرئيسية
المنشورات
أحدث الصور
التسجيل
دخول
السلام عليكم و رحمة الله
طبق الملوخية القالمية على طريقة سالي الخاصة
طبعا من أشهى الأطباق القالمية الملوخية
التي يعشقها أغلبية القالميين و كذلك هو طبق شهير في الشرق الجزائري خاصة
عنابة ..سكيكدة .. قسنطينة ..سوق اهراس ...
و المدهش أنه فيه بعض المناطق يتقززون من الملوخية
و هذا يرجع في نظري الى طريقة تحضير هذه الأخيرة
و لأن الكل في عائلتي الحبيبة يثنون على الملوخية التي أعدها بدءا من أمي حفظها الله و رعاها فكرت أن أضع الوصفة بين أيديكم حتى يتسنى للجميع تذوق هذا الطبق الذي أعشقه بصراحة
بسم الله نبدأ بالمقادير
1-كيس ملوخية حجم 100 غ (للأمانة أنا استعمل ملوخية الذواقة)
2- ملعقتين قهوة مليانين من توابل الذواقة (ان لم تتوفر لديك ما عليك الا بتعويضها بتوابل الملوخية الأصيلة حسب تقاليدنا : تابل و كروية )
3- كمية من الهريسة حسب الرغبة أنا أضع ملعقة قهوة
4- راس توم متوسط الحجم حبذا لو يكون توم أحمر نتاعنا ماشي المستورد
4- بصلة متوسطة الحجم
5- مقدار ملعقتين عشاء من الدبشة ، أو الكزبر في بعض المناطق
6- ملعقة صغيرة ملح و ربع ملعقة صغيرة فلفل أسود، و انتبهوا تملحوها بزاف لأن حجمها ينقص بعد النضج و تتفاجؤوا بالملوحة الزايدة
7- حبة طماطم بحجم البيضة
8- كمية متساوية من زيت المائدة و زيت الزيتون، ومبعد نشرح شحال لازم نحطوا الزيت
9- رطل من لحم البقر أو اللي يحب رطل من أحشاء الغنم (الكرشة و توابعها) أو حتى السكالوب نتاع الداند (الديك الرومي) كامل ملاح و نقدروا نعملوا خليط من بقايا اللحوم اللي عندنا في البراد كل واحد ومقدوره
طريقة التحضير
أولا نحضروا الدرسة و هي كالآتي
تهشمي التوم بطهر السكين و و تحطيه في الهاون
و تضيفي عليه البصل المقطع لقطع عشوائية
الدبشة المقطعة خشينة
ملعقة من التوابل
شوية ملح و فلفل أسود (رشة خفيفة حتى تسهل علينا درسه ميلح في الهاون أو المهراس كيما يقولوا)
بعد ما تصير الدرسة مثل الكريمة نضيفولها الهريسة أو الشطة أو الفلفل الحار الأحمر قد ما تحبوا
و نخلطوها حتى تتجانس المكونات تماما
في هذ الوقت نجيبوا اناء التحضير
و نحطوا فيه قطع اللحم بعد تنظيفها و ملعقتين كبار نتاع عشاء من الدرسة و 3 ملاعق من خليط زيت زيتون و زيت عادي و أنا شخصيا أضع فقط زيت زيتون.
و نضيفوا باقي كمية الملح و الفلفل الأسود و القليل من التوابل السابق ذكرها فقط ربع ملعقة صغيرة.
و نخلو الخليط على نار هادئة تتقلى المواد و ينشف الماء الناتج من البصل و اللحم
في هذه الأثناء نكونوا حضرنا ماء سخون على جنب
و نضيفوا حوالي الكوب كبير من الماء شوية شوية
و نخلو الخليط يغلي على نار هادية
أحينا أنا نضيف القليل من معجون الطماطم لما نكون ناوية ما نحتفظش بيها أكثر من يومين في الثلاجة
لكني لما نعملها لوقت طويل ما نحطش الطماطم أصلا
في هذ الوقت نفوتوا لتحضير الملوخية باش نضيفوها على الخيلط
ننخلوها بالسيار الرقيق أو ما يعرف بالدقاقة عندنا لضمان عدم تواجد الأعواد في حالة ما استعملت نوع آخر من الملوخية البودرة
نحطوها في اناء غامق
نضيفوا عليها ملعقة من الدرسة و نضيفوا خليط الزيوت شوية شوية حتى نتحصلوا على على عجينة كريمية قوامها مثل العسل
هنا نتوقفوا عن اضافة الزيت
و بعد ما نمرقوا الكوكوط نتاعنا بكوبين ماء فوق الكوب اللي حطيناه في الأول
نضيفوا الملوخية اللي حضرناها بالزيت عليها مع الاستمرار في التحريك باش ما تلزقش
و نقلوها وحد 10دقايق على نار هادية
حتى يصبح سمكها غليظ و تحريكها يصير صعب هنا نمرقوا شوية شوية بماء ساخن ماشي ضربة وحدة حتى نتحصلوا على قوام كريمي سائل الى حد ما
بعد ما تهز الغلية كيما يقولوا حطي علها غطاء الكوكوط نص و ما تغميهاش و حاولي تحركيها كل 10 دقايق و وياريت بملعة خشبية حتى ما تجرحيش أسفل الكوكوط و تلزقلك الملوخية و تحصلي كيفاش ديريلها عند تنظيفها ومبعد
لما تنشف و تقرب تخرج الزيت على السطح نتاعها نجيبوا باقي الدرسة و نضيفوها و السر الآخر هو اضافة حبة الطماطم مخرقة دون تقطيع
كيفاش تعرفي بلي طابت الملوخية ؟؟
لما تشوفي عيون من الزيت بدات تطفوا مالفوق هنا خلاص الملوخية وجدت و ما عليك غير تطفي النار و تقدميها مع المطلوع يستحسن أو الخبز العادي
و بالصحة و العافية
ما تنساوش الردود
هذا مجهود شخصي و حصري لمنتديات حمام المسخوطين و راني ضامنتلكم البنة ان شاء الله
يعني في حال تم نقل الموضوع ياريت ذكر المصدر للأمانة
تقبلوا تحياتي وودي
سالي
طبق الملوخية القالمية على طريقة سالي الخاصة
طبعا من أشهى الأطباق القالمية الملوخية
التي يعشقها أغلبية القالميين و كذلك هو طبق شهير في الشرق الجزائري خاصة
عنابة ..سكيكدة .. قسنطينة ..سوق اهراس ...
و المدهش أنه فيه بعض المناطق يتقززون من الملوخية
و هذا يرجع في نظري الى طريقة تحضير هذه الأخيرة
و لأن الكل في عائلتي الحبيبة يثنون على الملوخية التي أعدها بدءا من أمي حفظها الله و رعاها فكرت أن أضع الوصفة بين أيديكم حتى يتسنى للجميع تذوق هذا الطبق الذي أعشقه بصراحة
بسم الله نبدأ بالمقادير
1-كيس ملوخية حجم 100 غ (للأمانة أنا استعمل ملوخية الذواقة)
2- ملعقتين قهوة مليانين من توابل الذواقة (ان لم تتوفر لديك ما عليك الا بتعويضها بتوابل الملوخية الأصيلة حسب تقاليدنا : تابل و كروية )
3- كمية من الهريسة حسب الرغبة أنا أضع ملعقة قهوة
4- راس توم متوسط الحجم حبذا لو يكون توم أحمر نتاعنا ماشي المستورد
4- بصلة متوسطة الحجم
5- مقدار ملعقتين عشاء من الدبشة ، أو الكزبر في بعض المناطق
6- ملعقة صغيرة ملح و ربع ملعقة صغيرة فلفل أسود، و انتبهوا تملحوها بزاف لأن حجمها ينقص بعد النضج و تتفاجؤوا بالملوحة الزايدة
7- حبة طماطم بحجم البيضة
8- كمية متساوية من زيت المائدة و زيت الزيتون، ومبعد نشرح شحال لازم نحطوا الزيت
9- رطل من لحم البقر أو اللي يحب رطل من أحشاء الغنم (الكرشة و توابعها) أو حتى السكالوب نتاع الداند (الديك الرومي) كامل ملاح و نقدروا نعملوا خليط من بقايا اللحوم اللي عندنا في البراد كل واحد ومقدوره
طريقة التحضير
أولا نحضروا الدرسة و هي كالآتي
تهشمي التوم بطهر السكين و و تحطيه في الهاون
و تضيفي عليه البصل المقطع لقطع عشوائية
الدبشة المقطعة خشينة
ملعقة من التوابل
شوية ملح و فلفل أسود (رشة خفيفة حتى تسهل علينا درسه ميلح في الهاون أو المهراس كيما يقولوا)
بعد ما تصير الدرسة مثل الكريمة نضيفولها الهريسة أو الشطة أو الفلفل الحار الأحمر قد ما تحبوا
و نخلطوها حتى تتجانس المكونات تماما
في هذ الوقت نجيبوا اناء التحضير
و نحطوا فيه قطع اللحم بعد تنظيفها و ملعقتين كبار نتاع عشاء من الدرسة و 3 ملاعق من خليط زيت زيتون و زيت عادي و أنا شخصيا أضع فقط زيت زيتون.
و نضيفوا باقي كمية الملح و الفلفل الأسود و القليل من التوابل السابق ذكرها فقط ربع ملعقة صغيرة.
و نخلو الخليط على نار هادئة تتقلى المواد و ينشف الماء الناتج من البصل و اللحم
في هذه الأثناء نكونوا حضرنا ماء سخون على جنب
و نضيفوا حوالي الكوب كبير من الماء شوية شوية
و نخلو الخليط يغلي على نار هادية
أحينا أنا نضيف القليل من معجون الطماطم لما نكون ناوية ما نحتفظش بيها أكثر من يومين في الثلاجة
لكني لما نعملها لوقت طويل ما نحطش الطماطم أصلا
في هذ الوقت نفوتوا لتحضير الملوخية باش نضيفوها على الخيلط
ننخلوها بالسيار الرقيق أو ما يعرف بالدقاقة عندنا لضمان عدم تواجد الأعواد في حالة ما استعملت نوع آخر من الملوخية البودرة
نحطوها في اناء غامق
نضيفوا عليها ملعقة من الدرسة و نضيفوا خليط الزيوت شوية شوية حتى نتحصلوا على على عجينة كريمية قوامها مثل العسل
هنا نتوقفوا عن اضافة الزيت
و بعد ما نمرقوا الكوكوط نتاعنا بكوبين ماء فوق الكوب اللي حطيناه في الأول
نضيفوا الملوخية اللي حضرناها بالزيت عليها مع الاستمرار في التحريك باش ما تلزقش
و نقلوها وحد 10دقايق على نار هادية
حتى يصبح سمكها غليظ و تحريكها يصير صعب هنا نمرقوا شوية شوية بماء ساخن ماشي ضربة وحدة حتى نتحصلوا على قوام كريمي سائل الى حد ما
بعد ما تهز الغلية كيما يقولوا حطي علها غطاء الكوكوط نص و ما تغميهاش و حاولي تحركيها كل 10 دقايق و وياريت بملعة خشبية حتى ما تجرحيش أسفل الكوكوط و تلزقلك الملوخية و تحصلي كيفاش ديريلها عند تنظيفها ومبعد
لما تنشف و تقرب تخرج الزيت على السطح نتاعها نجيبوا باقي الدرسة و نضيفوها و السر الآخر هو اضافة حبة الطماطم مخرقة دون تقطيع
كيفاش تعرفي بلي طابت الملوخية ؟؟
لما تشوفي عيون من الزيت بدات تطفوا مالفوق هنا خلاص الملوخية وجدت و ما عليك غير تطفي النار و تقدميها مع المطلوع يستحسن أو الخبز العادي
و بالصحة و العافية
ما تنساوش الردود
هذا مجهود شخصي و حصري لمنتديات حمام المسخوطين و راني ضامنتلكم البنة ان شاء الله
يعني في حال تم نقل الموضوع ياريت ذكر المصدر للأمانة
تقبلوا تحياتي وودي
سالي
