الرئيسية
المنشورات
أحدث الصور
التسجيل
دخول
نخدمو 4 بيضات مع كاس ونصف سكر حتى يولي الخليط كريمي و نزيدو كاس زيت و منبعد كاس حليب و نزيدو انخلطو ف الاخيرنضيفو 3 كؤوس دقيق مع 2 خميرة الحلوى و قبصة ملح و نخلط ونقسم الخليط ال 2 اقسام واحد ندير فيه 2 معالق كبار بودرة الكاكاو و الاخر قطرات من الفانيلا.
ناخد مول السيليكون مربع كيف ما هو باين ف الصورة و ندير معلقة من خليط الكاكاو و معلقة من خليط الفانيلا منعمروهومش بزاف باش ملي يطيبو يجي منظرهم مقاد
و ف المرة الاخرى نديرو معلقة من خليط الفانيلا هو الاول و من بعد ندير خليط الكااكاو و ندخلوهم يطيبو
هاد المول فيه 8 مربعات و بمقادير هاد الكيك خرج 16 قطعة
ملي يبردو نعمرهم بكريمة الحامض و نقدمهم
نبداو اولا نوجدو كريمة الحامض باش نخليوها تبرد
غادي نخلطو عصير 2 ليمونات مع 60غ زبدة مع 125غ سكر و نديروهم يسخنو فوق عافية مهيلة حتى دوب الزبدة من بعد نزيدو 3 بيضات من بعد ما نكونو ضربناهم بفورشيط و نكبو الخليط بشوية و نخليوه يطيب مدة 10 دقايق اوا ف هاد 10 دقايق ما خاصناش نحيدو يدينا منو بالتحراك و ناكد على هاد القضية باش ميطيبش البيض و نصيفوه و نديروه فالتلاجة يبرد.
