الرئيسية
المنشورات
أحدث الصور
التسجيل
دخول
معقـده مغـروره كلـه علـشـان ماجاه مني رد ومـا اقبـل تحايـل |
تافه واسمه يندرج تحـت عنـوان فاضي بـ/ فن الكذب صايل وجايل ! |
يكتب لهذي بيت ويجيـب الالحـان ولذيك يكتب " شفت منـك الهوايـل |
وانا لا سقت القاف في كـل ميـدان ماهو لرجوى قول : مالـك مثايـل |
اكتب ارفَه عن همومي والاشجـان ماهمني شهره فـي كـل الوسايـل |
واحيان اكتب حب واشواق احيـان من حسي لشعـري امـد الجزايـل |
واللي حكا عني تخاريـف وجنـان يبطي وماهو لاهتمامـي بـ/ نايـل |
وليا حكا الفاضي له السمع حقـران ولا قال ؟ ما جيت انشده ويش قايل |
لي قدر عالي والحكي معه نقصـان لي صرح شامخ ، له صروح اتمايل |
من بحر شعري جبت لولو ومرجان يدخلـه بستانـي يشـوف الدلايـل |
والمهره اللي شامخه عبر الازمـان فرقها ربي عن [ جميع الاصايـل ] |
ماهمني فكـرة مريضيـن الاذهـان يهمنـي النـقـاد ، وذولا قـلايـل |
ما بين متذوق ، وشاعر ، وخجلان صندوقي الـوارد بـه الكـم هايـل |
لو كنت بجاوب على فـلان وفـلان قضيت وقتـي بـس ارد الرسايـل |
من شرف الديوان لاهان .. لاهـان له احترامي الجـم والشـك زايـل |
هذا فقـط تنويـه منـي او اعـلان للي بـ/ ردَه يظن راعـي جمايـل |
