الرئيسية
المنشورات
أحدث الصور
التسجيل
دخول
على بالي كثرو المواضيع على دخول لبنات لماتش 3 مارس وعلى بالي كاين لي مايعجبوش الحال وهو من أنصار التطور الأخلاقي والاختلاط الاجتماعي ودخول الأخوات الفضيلات بنات الفاميليا لي يديرو عيد ميلادهم في ديارهم ويعرضو صحبياتهم وأصدقائهم
المهم المشكل مش في الماتش ولا في التخلاط لي راه رايح يصرا
المشكل أنها سياسة خبيثة من بعض المسئولين العلمانيين لي حابين يرجعو بلادنا دولة علمانية بعيدة عن الدين وتقاليد لجدود
أنا جاهل للدين وماقريتش ولكن تربيت أن المرأة هي حرمة والحرمة لازم تحترم ونعطولها مكانها ومكانها مش في الملعب بل مكانها معززة مكرمة في بيت راجلها أو باباها ولي عندو كلام غير هذا هو حر ولكن يطبقه في عائلته قبل ومايفرضش علينا هذا الشي
ولكن وللأسف هذا الناس لي راها حابة ترجع بلادنا علمانية لائيكية بعيدة عن تقاليد وتعاليم الاسلام لي تربينا عليه حابة تجيبها حبة حبة نجحوا في ادماج المرأة في كل الميادين حتى أصبحنا نشوفوها نورمال والدليل هو أن بعض الأعضاء هنا قالك نورمال المرأة تدخل وهذا هو التطور وبركاوكم من التعقد با معقدين
الحمد لله جيت معقد والحمد لله جيت قديم والحمد لله مانيش مطور وضد التطور والحمد لله أني ابن الصحراء لي يقولو عليا عروبي كاvي
