استعرض الموضوع التالياذهب الى الأسفلاستعرض الموضوع السابق

قصيدة للشاعر نائل المضفر و هو يخاطب احد الصحفين الاجانب Empty قصيدة للشاعر نائل المضفر و هو يخاطب احد الصحفين الاجانب

barca
barca
عضو محترف
عضو محترف
رقم العضوية : 2
الجنس : ذكر عدد المساهمات : 30646 نقاط التميز : 40605 تقييم العضو : 915 التسجيل : 05/08/2009 الإقامة : guelma
http://www.guelma24.net
تمت المشاركة الأحد أكتوبر 25, 2009 6:38 pm


قصيدة يتحاور فيها الشاعر البصري مع احد الصحفيين الاوربين عن الوضع
العراقي وقد اختار الشاعر معاني للحقائق واقعيه من حياة المواطن العراقي في الجنوب وواقعه ارجو ان تنال رضاكم ...




يسألني الصحفي الاوربي ؟؟ مااحساسك.. وانته الان بنص اوربا في قمة عصر التقنية
مااحساسك.. وانته اتباوع وجه الصحفي ابيض من صدر الصحفيه
مااحساسك.. لو عندك حاسوب وانترنيت وتراسل بالكترون ومتحس بغربة وحنية تلفازك عبر الاقمار يطلع وجه امك يومية
مااحساسك.. لو فتحت رائعك والحصوة بالليزر يداون كلهن وماتحتاج لاي عملية
مااحساسك.. لو بليزر محو امراضك اسهل من محو الامية
مااحساسك.. لو ردت وليد ايشيل اسمك تاخذ بنتك للمستشفى وتحورهن رمانات..!! حتى الولد ايصير ابنيه
مااحساسك.. لو عالغيم اتعلك شقتك والنجمة اطب من نافذتك وتبات بحضنك ليليه..
احساسي اتلفظه بانفاسك من اني اسال وانته اتجاوب مااحساسك..
مااحساسك .. لو يتبدل حالك حالي وناسك ناسي وناسي بناسك..
مااحساسك.. لو تنسى شققك الجوية
مااحساسك.. لو تصبح اكثر شعبية
مااحساسك.. لو تكعد بالحيانية
مااحساسك لو كل ساعة مأجر غرفة ونكله اجوالاتك يومية
لا من شغلة ولا يومية وضلت بجيوبك بس مية
مااحساسك .. بيش اتجيبون الكمية
مااحساسك .. لو صوبتكم ماتتعله ولا تتنصه ولا تتطفه
الا اتبخ فوكاها اميه
مااحساسك.. لو وكتك ضكك فد نوبه تداين خبزات وروبة
وخبز وروبة وخبز ..
وافرض جيرانك ضكتك خويه انريد افلوس الروبة
مااحساسك.. من تضطر اتبيع الصوبة
مااحساسك..
من تفتر بسوك الجمعة وشايلك من بيتك سلعة عمي بتسعة عمي اتوكل بالله بسبعة
شايف خير وتستاهلها سلعت بيتي ابيتك خلها ومن يكعد يحسب بفلوسك وي كل ورقه
اتنزل دمعه
مااحساسك.. لو يوم اتخلص كميتك والجوع يلوج ابزريتك
تبجي دموعك تبجي اعيونك بجيك مايترس صينيتك
اتكوم ادعي وانته اتصلي باصدق نيتك يارب ياريتك..
ترحمنا يارب ياريتك.. تنصرنا يارب ياريتك.. ياريتك ..ياريتك..
والصاروخ ايطيح ابيتك
مااحساسك.. لو نص ابنك طك براسك
مااحساسك.. لو كتلك اترك احزانك حس بشعبك وبجيرانك
مااحساسك.. لو عينك شافت بنتين بعمر الخمسة
وست اسنين رادن يمشن رادن مرة بلعبة يركضن بس ماكدرن
متعوقات بلا رجلين اتخيل عدهن رجلين ويلعبن حليه براسك مااحساسك
مااحساسك.. لو مريت بسوك وبت كالتلك بابا جوعانه بابا جوعانه جوعانه تكسر رائعك اتكوم اتمد ايدك بجيوبك تلزم فخذك ماكو ابطانه
وثكل الدمعة ينزل راسك مو للكاع لشفت بنتك انقهرت كلش باستك
مالازم بابا وندمانه
تسمع صوت ايصيح ادفعلي وصوت الثاني ايكلك انه
لا انه وانه لا انه وتباوع كلهم ديانه اشرف واحد بالديانه
اجسر ومد ايده بجيبك وبس رجليك العريانه
ماكو ابطانه طلع ايده راح الاول راح الثالث راح الخامس
مااحساسك.. فخذك يعلن عن افلاسك
مااحساسك.. لو راسك بيه لعب الشيطان وبرائعك قل الايمان
شنهي هالعيشه خوف وذلة وظلم وحرب وجوع ودربك ماتكدر تندله وماتملك بالدنيا جكارة هم حاسب نفسك انسان
سويلك يمعود جارة اتكوم اتصيح ياشيطان.. ياشيطان..
بس عدالله اهناك الجارة بس عدالله اهناك الجارة
وجيت حدر السيارة
مااحساسك.. لو كض ابريك وماداسك
مااحساسك.. لو اني السبب بالامك وجسر واوكف كدامك
واجرأ واسال مااحساسك.. مااحساسك.. مااحساسك..
احساسي اتلفظه بانفاسك من اني اسال وانته اتجاوب
مااحساسك.




عسا ان تنال رضاكم

قصيدة للشاعر نائل المضفر و هو يخاطب احد الصحفين الاجانب Empty رد: قصيدة للشاعر نائل المضفر و هو يخاطب احد الصحفين الاجانب

falcao
falcao
عضو مميز
عضو مميز
الجنس : ذكر عدد المساهمات : 1657 نقاط التميز : 2383 تقييم العضو : 21 التسجيل : 05/08/2009
https://hammam24.ahlamontada.net
تمت المشاركة الإثنين أكتوبر 26, 2009 8:59 am
قصيدة للشاعر نائل المضفر و هو يخاطب احد الصحفين الاجانب 56594
استعرض الموضوع التاليالرجوع الى أعلى الصفحةاستعرض الموضوع السابق
صلاحيات هذا المنتدى:
لاتستطيع الرد على المواضيع في هذا المنتدى