الرئيسية
المنشورات
أحدث الصور
التسجيل
دخول
ابليس يصف الحالة والوضع في الجزائر...
كان ابليس في غرفته يلملم ملابسه في حقيبة الى جانب باقي
مستحقاته..وعلى المنضدة وضع استقالته التي كانت
موقعة ومختومة حسب الاصول..وبجوارها تقبع تذكرة سفر
الى جزر برمودا الديموقراطية.. كانت ملامح وجهه في تلك للحظات
تنطق بالكابة والحزن والاحباط واليأس..وقلة الحيلة
مع دهشة مزمنة ارتسمت عليه منذ فترة قريبة واعتراف بالعجز والفشل..
ابليس راحل عن بلادنا الى غير رجعة..
سألته..وين مسهل؟وين راك رايح؟؟
فقال..ماعندي قعدة عندكم..عندي سنين راني عاطل على الخدمة
لاخدمة لا زدمة..وقريب نموت من الجوع..
ماني رايح نخليلكم لاوسواس لاخناس..
*كنت بكري نوسوس للمرا باش تخلي بنها
يبكي وهي تعود مقسرة مع الجيران ولا فالتليفون..ذركة عادو وحدهم يلوحو
ولادتهم..
*كنت نوسوس لواحد باش ينسى ميقولش بسم الله كي يبدا ياكل..ذركة مش لاقي قع
واش ياكل مكاين والو..
واحد يسرق مليار عيني عينك يسجنوه بفيلا حذا البحر
وواحد زوالي مسكين يحوس على الماكل ف (الزبالة) يقبضوه ويشدوه 25 عام
نتوما خصكم ابليس نتوما؟؟؟
عدت نخاف على روحي منكم يالخاوا
راني مرات نوسوس بالمقلوب..نقول للمسؤول ارحم شوية
ونقول للسراق خلي شوي لخواتك السراقة لخرين
معناتها اذا نتوما تخدمو هاذ الكوارث انا واش نقعد ندير هنا؟؟
صحيح ان الموضوع فيه شيئ من الهزل ولكنه حقا يصف ما الت اليه امتنا اليوم
لذا يجب ان نسعى للتغيير واول خطوة ان نتمسك بديننا الحنيف اقوى تمسك
.
![http://[align=center][url=http://www.raslny.com/index.php?sendto](https://2img.net/i/fa/modernbb/icon_contact_www.png){kind=icon}
