انا محتارة ارجو المساعدة في اقرب وقت.

انا طالبة في السنة1 ثانوي و راني حايرة بين شعبة العلوم التجريبية و شعبة الرياضيات
انا حابة نروح رياضي و المستوى تاعي نقدر بيه على حساب ما سقسيت بصح راني خايفة ,انا نخمم واش كان مبعد يعني الباك انشاءالله donc قولولي كاين منها صح تاع الباك لي في شعبة الرياضيات ما ينجحوش بزاف و زيد تاني الامتحان تاعهم مليان بles pièges و هذا الكلام هو اللي خلاني خايفة و مترددة
الله يخليكم اعطوني اراءكم..........انا في الانتظار

شكراااااااااااااااااااااااااااااااا اخي barca وانا بحاجة الى هيك اراء الله يخلييييييك

اختي نبيلة اعرف جيدا الذي تمرين فيه وقد سبق وان مر علي مثله
لكني اخترت الشعبة التي احببتها وهي رياضيات ونجحت فيها وهي سهلة وليست صعبة كما تتخيلين
والله ليس هناك شيء صعب فيهاا وان درست بجد ستجتازينها بسهولة تامة
نشاله ربي يوفقك في الاختيار والله المستعان

سلام ختي باغي نقول نصيحتي و الباقي عليك الناس لي قالولك انو الرياضيات صعبة يغلطوك على باطل و اذا كانت عندك الامكانيات و تقدري ديري الراضيات ديريها بدون تفكير انا تاني قالولي كيما هاك اوكي و الله يسهل و يوفقك بااااااااااااي

أختي ماتسمعي لكلام حتى واحد واللي قالوه إنه الرياضيات صعيبة راهم غالطين بالعكس كي تكوني تحبيها ومقتنعة بيها أكيد ماهيش راح تصعاب عليك
خلي ثقتك في نفسك كبيرة وإديها نصيحة من عندي أنا أكبر منك وعديت بهاد المرحلة خلي إحساسك يقولك ثقي في روحك وقولي في نفسك أنا قادرة عليها وحطي في بالك حاجة كيما يقولو في المثل نتاعنا" اللي ميلحقش عالعنب يقول قارس" هادو يقولو هاك لإنهم مهمش قادرين عليها أو بالأحرى مهمش مقتنعين بيها هاد رأيي
ونرجع ونقولك مادامك تحبيها أكيد تقدري عليها
نتمنالك التوفيق والنجاح
ويارب تجعي بعد عامين لهاد المنتدى وتقولي باركولي يا ناس قريت الحاجة اللي حبيتها واقتنعت بيها ونجحت فيها بامتياز

شوفي يا اختي مادام حابة ديري رياضيات ديريها والناس كلامهم وسوااااااااس ماديريهش كامل فالراس واللي فيها الخير ربي يجيبها سلااام