الرئيسية
المنشورات
أحدث الصور
التسجيل
دخول
السلام عليكم
عندي واحدة صديقتي خطبها رجل ما شاء الله لكن لما جابولها العيد وجابولها الحوايج وبقاو يحكيو ويضحكوا وفي الآخر هدرت أم الزوج وقالت لأم الزوجة بطريقة مستفزة فالتلها بالحرف: باه يكون في علمكم (وكأنها تصدر أوامر وفرامانات) بلي العقود والفاتحة السمانة الجاية
فأم الزوجة استغربت وسكتت شوية وقالتلها ما هي تفاصيل الفاتحة لأن أم الزوجة حابة تعرف لكان يديرو الحنة أو لالا باه تدير حسابها
ومبعدت تفاجأت برد أم الزوج وقالتلها بطريقة أكثر استفزازا واش من تفاصيل؟؟؟؟؟
فقالتلها أم الزوجة هذا الأمر يحكم فيه أبوها يعني أب الزوجة
فأم الزوجة غاضها الحال بزاف واعتبرت أم الزوج حقرتها
واش رايكم يا أحبائي
أنا رأيي أن أب الزوج هو ألي يتكلم مع أب الزوجة في موعد الفاتحة والعقود
وثاني حاجة أنه لما تتكلم أم الزوج مع أم الزوجة تكلمها باحترام يعني تقولها واش رايكم نديروا الفاتحة والعقود السمانة الجاية وهكذا بطريقة مؤدبة
واش رايكم وهل توافقوني الرأي
أنتظر الردود بفارغ الصبر لأن صديقتي كلاتلي راسي
