الرئيسية
المنشورات
أحدث الصور
التسجيل
دخول
بسم الله الرحمن الرحيم
اقدم اعتذاري الشديد
أخوتي اعتذر منكم جميعا واتمنى ان تقبلو اعتذاري..
انا اسف لأني تواجدت وتواصلت معكم لفتره ليست بالبسيطه بهذا
اللقب وهو لقب ..اميرة الذوق والمعروف انه لقب بنت
بس انا للأسف ولد مو بنت..
انا ادري انه صعب عليكم تسامحوني لأني خدعتكم جميعا..
وخصوصا البنات تواصلت وسولفت وضحكت معهن وطبعا هن
بادلني نفس الشي لأنهن على نياتهن يعتقدن اني صادق واني بنت ..
بس احب اقولكم قبل ان اخوكم اثقلته الذنوب وتجمعت عليه المصايب
من كل صوب تكفون سامحوني وادعوا لي ان الله يسامحني ويغفر لي ذنبي
وبإذن الله راح يكون هذا آخر تواجد لي بهذا اللقب ..
بس إن شاء الله بافتح معكم صفحه جديده واتواصل معكم بلقب مذكر جديدهو لقب مذكر وبنوتي
بس اعجبني وانا اقولكم انه بنوتي اكثر بس انا ولد ماني بنت والقب هو(كلي ذوق وذبحني الشوق)
لأني احببتكم في الله وتعلقت فيكم هذا طبعا إذا قبلتوني بينكم من جديد..
طلب اخير..
إذا ماتقدرون تسامحوني لاتدعون علي لأن اللي فيني مكفيني وزياده..
دمتم بود..
✎ ✎ ✎ ✎ ✎
صباح الخير على الجميع..
أخي ......... أختي
كيف بتكون ردت فعلك إذا قريت موضوع مثل كذا سواء كان
من بنت او ولد..
بتسامحه وتنسى كذبته عليك وتبدا معه صفحه جديده وإلا لا ؟؟؟
وهل راح تكون فيه ثقه بينكم بعد كذا وإلا لا ؟؟؟
طبعا هذه ظاهره انتشرت في كثير من المنتديات وهي ان بعض الأولاد
يسجلون بأسماء بنات ويضحكون على البنات ويستدرجونهم ويمكن توصل مع
بعض البنات انها تثق ثقه عمياء في هذا الشخص لدرجة انها تعطيه رقمها او
ايميلها هذا غير معلوماتها الشخصيه وبعد كذا يقول لها بكل بساطه انا ولد واسف
اني كذبت عليك بس انا حبيتك وتعلقت فيك وغيرها من هالكلام...
وللأسف بعض البنات يصدقونهم..
وحتى ماأكون ظالمه مو بس الشباب هم اللي يسجلون بألقاب بنات
يصير بعد العكس وهو ان البنات يدخلن بألقاب اولاد ..
ولا تقولون لي مستحيل ومافيه والله ثم والله اني اعرف بنات )معرفة (
مسجلات بألقاب اولاد في بعض المنتديات الاسلاميه للأسف..
وعذرها إذا كلمتها انها ماتاخد وتعطي مع الشباب وإذا تكلمت معهم تكلم بأدب
وحدود بس انها دخلت بلقب ذكر لأنها حابه تتواصل مع المنشد الفلاني او المذيع
ومو قادره تتواصل معه بلقب بنت..
لأنه وبكل بساطه وعلى حد قولها انه مايرد عليها وماعطيها وجه
او انه يكون ثقيل و رسمي معها بزياده وهذا اللي ماتبيه لانها حابه تعرف
عنه اشياء كثيره وبكذا تستغفل المنشدين والمذيعين وتسولف معهم وتسألهم
وهم طبعا على نياتهم يتكلمون معها على انها ولد وشفت انا بعيني بعض ردود
احد المنشدين عليها مطيح الميانه بينهم على انها ولد ومن المؤسف جدا ان
هالظاهره انتشرت في منتدياتنا الاسلاميه والمشكله انهم ناس واعين وفاهمين
واكيد انهم عارفين ان كل كلمه او حرف يخطه في عالم النت بيقعد شاهد عليه إلى
يوم القيامه وعارفين بعد ان اعذارهم هذي اللي يختلقونها ويبررون بها افعالهم
ماراح تنفعهم في يوم لاينفع فيه لا مال ولا بنون بس للاسف ناس ماعندهم مخافه
من خالقهم الذي يطلع على كل صغيره وكبيره يفعلونها
✎ ✎ ✎ ✎ ✎
اعتذر احبتي إذا اطلت عليكم
واعتذر عن المقدمه الكاذبه اللي بديت فيها موضوعي
بس لاحد يصدقها انا بنووته
خخخخ
ارجووو التفاااعل من الجميع..
دمتم بود
منقولللللللل الافادة
