أمثال فلسطينية

حبيت اشارك في امثال فلسطينية

وان شاء الله انكو تفهمو اللهجة

اول مثل حكتبو اله ذكرى عزيزة علي لانه سمعتو من أبوي الله يرحمه

في يوم كان قاعد وانا جنبه ومديت ايده على لحيته وشواربه وحكيتله بمزح

يابا صاير عجوز لحيتك كلها بيضة من الشيب

شو رايك تصبغ للاسود؟؟؟!!!!

فحكالي والله يا بنتي حيرتونا
على راي المثل

بين حانا ومانا ضاعت لحانا

فسألته شو هقصة المثل هاد؟؟؟؟؟؟

فجاوبني :- هاد في قديم الزمن كان رجل في الخمسينات من عمره كانت لحيته منوعة فيها اللون الاسود

والابيض وهاد الرجل قرر يتزوج على مرته (حانا) فزوج بنت صغيرة في اوائل العشرينات اسمها (مانا)

في اليوم اللي بكون عند زوجته الاولى (حانا) اللي من عمره بتحكيله يا زلمه والله ما في احلى من

اللون الابيض وبتنتف من لحيته الشعر الاسود وتخلي الابيض وثاني يوم لما يروح على الزوجة الثانية

(مانا ) الصبية بتحيكله يا عمري والله ما في احلى من الشباب واللون الاسود وبتنتف الشعرالابيض

وبتخلي الاسود المهم في يوم من الايام صحى الزلمة وطلع على لحيته في المراي لا في شعرة ب

يضة ولا شعر سوده

فقال المثل
بين حانا ومانا ضاعت لحانا

الله يرحمك يابا

ويجعلك مؤاك الجنة

ويغفرلك ما تقدم من ذنك وما تأخر

ويجمعنا بك في جنات النعيم

استنوني مع مثل جديد

وقصة جديدة

اهلا وسهلا أخي ابن فلسطين

مشكور على المرور

تعيش