الرئيسية
المنشورات
أحدث الصور
التسجيل
دخول
,اريد من كل واحدة تدخل موضوعي تقول أي موقف محرج ومضحك صرى معاها
باه نضحكو شوية ونحيو على بالنا
أنا حنحكيلكم موقف محرج صرى معاي ويا ليتو ما صار
لما كنت صغيرة تقريبا في السنة السابعة متوسط
وفي وقت المغرب طبطب علينا واحد وماكانوش خاوتي في الدار إلا النساء فطبعا بحكم أنا الصغيرة في الدار رحت حليت الباب فلقيت راجل قالي: مساء الخير وهذه هي الجملة الوحيدة ألي فهمتها قلتلو أهلا أخي على من تحوس بقى يهدر ويزرب في الهدرة ما فهمت فيها والو
فقلتلو المهم على من تحوس فعرف أني ما فهمت والو
فقالي كي يجي باباك قولو بلي جاك هشام وجملة جاك هشام قالها بسرعة مدهشة كسرعة البرق
فقلتلو: أ أ أ
*
*
*
*
*
*
*
*
*
*
جاكيشان
*
*
*
فشاف معاي مليخ بنظرات تعجب
ويتفلق بالضحك والعايلة تاعي
لقيتهم ميتين بالضحك
وأنا دخلت مبخوصة ووجهي أحمر
قالولي مهما يتخيل المرء ومهما أنك ما تفهميش هدرتو بصح ماش تحسبيه جاكيشان
وولاو منين يشوفوني يقولو علي جاكيشان
حتى الآن وأنا متزوجة ويفكروني بيها
ولما أتفكر نولي ميتة بالضحك
أتمنى تعجبكم قصتي
والآن أتحفيونا بمواقفكم وهذه وردة لكل من تدخل موضوعي
