الرئيسية
المنشورات
أحدث الصور
التسجيل
دخول
وصلنى مسج يقول :
خذني شوره عزيز وحنون ومشتهي لحضوره
تري ديرها يا مسج
رديت عليه وقلت
خوذ اريافي بلغ اشواقي وحيرتي لولافي
بوعين سوداء بو غثيث مسافي
في وسط قلبي صورته محفوره
نضيف المسايل بو اشفاف رهافي
عليه رايفت روحي خذتني شوره
بلاه منكسر نصلب الليل حسافي
ايسيلن ادموعى كل وان خطوره
لانوم جاني لا لهيبه طافي
ما ايبل شوق العين غير انظوره
طال الجفاء وطالن ايام اصيافي
زامط غصايص واجده مطموره
مانيش من هجر الغوالي صافي
بعد الحبيب صاعب علي اقدوره
حاير دليلي منكسر مجدافي
تاه مركبي وضاعن اضفاف ابحوره
يا مسج بلغله كلامي وافي
وصل حنيني له صوت وصوره
ثم قام الشاعر حميد الديب بأرسال هذا المسج للشاعر المبدع عبدالله قراب (ابوريان)
فابدع ابوريان وقال
خودنى لمكانه
وين مايكون يكون زول منانا
وين ماتبى حدد يكون لقانا
معاد متحسب لاى خطوره
قداش منا الصبر طال شقانا
وقداش من قولة أشياء محظوره
يا على الطبيعة نلتقو يا فلانة
يا نديروا عزاها أمالنا المهدوره
وكل حد فينا يكتبه جرنانا
الأحلام والخيال انقطعوا دستوره
يكفى كفا كافي تمكن دانا
العزوم خارت من الزمان وجوره
