الرئيسية
المنشورات
أحدث الصور
التسجيل
دخول
//
من عز نفسه عزه الله عن النـاس
وانا عزيز وعزتـي راس مالـي
مانيب من يتبع سواليـف بـلاس
اعز نفسي عنـه وابعـد مجالـي
مبعد مجالي عن هرابيد الانجـاس
اهـل الـردى ياجعلهـم للزوالـي
اللي سوالفهم تجي مالهـا اقيـاس
افلان قال وقـال وافـلان قالـي
اللي بدون احساس يدفن بلا احساس
لاناشـدن عنـه ولاقلـت غالـي
واقول في بعض الرجاجيل لاباس
رجال فاالكلمـه وباالفعـل خالـي
يجذبك باالكلمه معا زين الالبـاس
وتقول هذى اللي يسمـا الهلالـي
ولانيب اعم الناس والناس اجنـاس
احدن يحوش الطيب واحدن موالي
النفس تبغا طيب الـذات والسـاس
معـرب الجديـن عمـن وخالـي
لاحتاس فكري قلت لاباس ياراس
اذكـر فعـول مبهريـن الدلالـي
اللي لهم في ساحة الطيب نبـراس
نعم الرجال ونعم ذيـك الرجالـي
افعالهم تذكر على قـب الافـراس
يذكرهـم التاريـخ اول وتـالـي
نعم الرجال اللي تنومس تنومـاس
ياطيب فزعتها علـى كـل حالـي
اهل المواقف فعلها يرفـع الـراس
واهل البيوت الشامخـات العوالـي
وصلاة ربي عد ماهـب نسنـاس
وعداد ماذعـذع علينـا الشمالـي
***************
