الرئيسية
المنشورات
أحدث الصور
التسجيل
دخول
.
.
.
.
.
.
.
.
.
.
هي : ألف مبروك قالولي خطبت ، و سمعت بلّي شابّة بزّاف
و في قلبها تقول : راني عارفة بلّي داتلك عقلك ، انت بروحك عمرك ما درت الزّواج في راسك
هو : ربّي يبارك فيك ، اييييه شابّة
و في قلبه يقول : بصّح مازلتي أجمل وحدة عرفتها في حياتي
هي : سمعت تاني بلّي ظريفة و رزينة
و في قلبها تقول : و عندها ڨاع الصّفات لي ما لقيتهمش فيّا
هو : ايييييه عندك الصّح
و في قلبه : يقول بصّح كي نقارنها معاك تولّي ما تبانش
هي : باينة بلّي راك تعرف عليها كلشي دروك
و في قلبها تقول : كيما كنت تعرفني أنا واش نحب او واش نكره
هو : حاجات خفاف برك مشي حاجة كبيرة
و في قلبه يقول : ما كنتش نلهالها مين كانت تهدر ، كنت نخمّم فيك ليل و نهار
هي : مليح ، أيّا أنا نروح دروك ...
و في قلبها تقول : خير ما نبدى نبكي
هو : صحّ حتى أنا خصني نروح
و في قلبه يقول :خير ما نبدى نبكي و نبكّيك معايا
هي : باي تهلّى في روحك
و في قلبها تقول : مازلت نحبك و جامي ننساك
هو : من بعد إن شاء الله
و في قلبه يقول : عمري ما ننساك ، دفنت قلبي و عقلي راح معاك
قصة من الواقع الجزائري
