الرئيسية
المنشورات
أحدث الصور
التسجيل
دخول
مبسوطين وفي احسن حال وصار لهم كم سنه متزوجين وما جالهم عيال ولا بنات.
المهم صارت مشكله بين قبيله الرجال وقبيله المره وتطورت وما عاد حد قدر يحلها
المهم في ليله من الليالي قام إخوان المره وخذوها في غفله من قبيله الرجال وودوها
لقبيلتهم وهي مغصوبه وماودها تروح تبغا زوجها لأنها تحبه وهو يحبها ....
مرت ألأيام وألأسابيع هاثم ألأشهر والثنين قدهم بيموتون من الشوق لبعضهم..
المهم قام الرجال ولقى فكره توصله للمره لكن من إلي بيوصل لها الفكره
وكالعاده مالقا غير وحده من العجايز يعلمها بالفكره وهي توصلها للمره
وانتوا عارفين العجايز
قامت العجوز وتحزمت وخذت معكازتها وهبي دبي لين ما وقفت غير عند المره
وهي طبعاً متنكره علشان ماحد يعرفها ..
وعلمت المره بالخطه وحددت لها ليله مافيها قمر تكون في مكان موعود
والماريه بيعوي زوجها ثلاث مرات ..
جات الليله وراحت المره للمكان تنتظر ولين الرجال يوم عوا ثلاث مرات
فعرفت إنه زوجها وتقابلوا وجلسوا لين الفجر وجلسوا على ذي الحال مده
المهم إن المره حملت بأمر الله حمل حلال لاحد يقول كيني ولا ميني ..
بعد فتره بان الحمل على المره وشافها إخيها فبغا يذبحها وقال لها كيف
حملتي وحن ماخذينش من عند زوجش من مده وماكنتي حامل ..
المهم علمته بكل شيئ فقال لازم أتأكد وقام وغير ملابسه وهيئته وراح لقبيله
الزوج وجلس معهم في مجلسه وبعد القهوه والسواليف قام الرجال وخذا الربابه وقال...
ياذيب يلًي تالي الليل جريت ....ثلاث عوياتن قويات وصلاب
سايلك بالله عقبها ويش سويت .....يوم الثريا راوست والقمر غاب
وبعدها رجع الربابه مكانها ورجع لمكانه فعرف الزوج إن ذا إخي مرته
وعرف إن مرته حامل فقام واخذ الربابه وانشد وعمر القارين يطول ..
أنا اشهد إني عقب جوعي تعشيت ...واخذت شاة الذيب من بين ألأطناب
على النقا ولا الردى ماتهقويت ...ردوا حلالي يا عريبين ألأنساب
المهم إن إخيها فهم القصه وعرف إن أخته صادقه فأنسحب من المكان وفي الصباح
رجًع أخته لزوجها وجالهم ولد جعله ابرك من إبيه ......
اخيي اسين
