الرئيسية
المنشورات
أحدث الصور
التسجيل
دخول
في مساء ليلة شتاء نصف الشهـر
جبت جزلات الغضا وسط الوجار
وابتديت أقدح من اليمنـى شـرر
لين شبّت نار عـن تسعيـن نـار
واشتكى الدخان من ظلم الجمـر
وامتطى متن الهوى بعـد استخـار
ناويٍ يرقى علـى سطـح القمـر
ويشتكي ماصار من سوء الحصـار
مثلما الأحـزان تفعـل والقهـر
لاحتواها القلب في تـال النهـار
وابتـدت بيـن المحانـي تستعـر
لين ضج الفكر منهـا واستجـار
وارتفع من بعد ماصَفْـوه عَكَـر
للسماء كنّه مـن النـار استنـار
ولاج في ليلٍ مثـل بطـن البحـر
واستوى في عسعسه ثـم استـدار
وانتقـى أحلـى المعانـي والعبـر
راجـيٍ منهـا يجـي رد اعتبـار
من حبيب بالهـوى مالـه نظـر
داخلٍ بالقلـب باسـمٍ مستعـار
سالـيٍ ماطـق للعاشـق خـبـر
لايحـب ولايصد ولا يـغـار
ظالـمٍ يصطـاد بالمـاء العـكـر
ويتحـرّى للمشاكـل والشجـار
ماهقيت إنـه بعدهـا لـه عـذر
وإن تعـذّر وش يفيـد الإعتـذار
إيه ، مير المشكلـه قلبـي خضـر
ماله صمله ، عند تنفيـذ القـرار
حالتي من بعد حبـه فـي خطـر
من دمار بعـد حبـه فـي دمـار
الهوان أصبـح لقلبـي كالوكـر
والمعـزّه منـه رهـن الإنكسـار
والدموع بجـوف عينـي تحتضـر
ساءها بالحيـل سـوء الإختيـار
ودها من فـوق خـدي تنتحـر
في نظرها أهون مـن الإحتضـار
غرته عيـنٍ مثـل عيـن الصقـر
من لحظها صار فـي ذمّـة شهـار
أو خـدودٍ كنهـا طلـع الزهـر
ووجنتيـنٍ مايـلـه للإحـمـرار
أو ثنايـاً كنّهـا صـف الـدرر
وسطها ريـقٍ يشـادي للسكـار
أو جديل منطوي فـوق الظهـر
أجعـدٍ خـلاّه يمشـي بإغتـرار
غضّة الأنهـاد ضامـرة الخصـر
وردةٍ صـارت لتعذيبـي شعـار
الجفـا فيهـا ضميـرٍ مستـتـر
في محـل الرفـع مبنـي للدمـار
والوفـا فيهـا ضميـرٍ مندمـر
مالقيتـه لايمـيـن ولايـسـار
راحت وقالـت تحلّـى بالصبـر
قلت صاب الصبر من بعدك مـرار
والحقيقه واضحـه مثـل البـدر
ماعليهـا يابعـد قلبـي غـبـار
من بعد حطيت مكنـون الصـدر
فيك ياعذب الملامـح باختصـار
بنتظـر لحظـة لقانـا بنتـظـر
ولاهقيـت إنـي بمـل الإنتظـار
